श्रीमतीको साथ,छोरा छोरीको माया अनि दिनभरी रिक्सा जोतेर कमाएको एक हजारले सुनसरीका अब्बास मियाको घर खर्च जेनतेन चलेको थियो। तर आमा बुवा प्रतिको जिम्मेवारी अनि छोरा छोरीको आँखामा झल्किएको तिनको भविष्यको चिन्ताले अब्बासलाई दिन दिनै पिरोल्न थाल्छ। महिनाभरि रिक्सा जोतेर आफनै देशमा अब्बास जेन तेन ३० हजार त कमाउछन्।
तर त्यो ३० हजारले घरखर्छ धान्न अब्बासलाई मुस्किल पर्न थाल्छ। त्यहि चिन्ताले अब्बासलाई वैदेशिक रोजगारको बाटो समाउन बाध्य बनाउछ। जीवनमा सधैं अरुको भलो चिताउने र जाल झेल गर्न नजानेका अब्बास पाइलै पिच्छे बिछ्याइएको वैदेशिक रोजगारको जालोमा पर्छन, अनि सुरुहुन्छ उनको दु:खको कथा।
