Author: Nagarik Online
सिके राउतले उल्लू बनाएकै हो त ?
नागरिक FRONTLINE: राजेन्द्र महतो, राजपा अध्यक्षमण्डलका सदस्य
सरकार र सिके राउतबीचको सहमति पछि राष्ट्रिय जनता पार्टीको रणनीति के हुन्छ ?
CK राउत र सरकार बिच भएको ११ बुँदे सम्झौता रहस्यपूर्ण- प्रा. डा. सुरेन्द्र के सी, राजनीतिक विश्लेषक
विराटनगर – सरकारले सीके राउतसँग गरेको ११ बुँदे सम्झौताप्रति नेपाली कांग्रेसले प्रदेश १ को संसदमा आपत्ति प्रकट गरेको छ।
मंगलबारको संसद् बैठकमा विशेष समय लिएर कांग्रेस सांसद शिवनारायण गनगाईंले सरकारले गरेको सम्झौता शंकास्पद रहेको बताए। प्रधानमन्त्रीले त्यसबारे मुलुकलाई प्रस्ट गर्नुपर्ने पनि उनले माग गरे।
‘राष्ट्रिय अखण्डता र स्वाधीनताविरुद्ध निरन्तर सक्रिय व्यक्तिसँग हठात् सम्झौता गरेर सरकारले देश टुक्र्याउने गतिविधिलाई प्रोत्साहन गरेको देखिएको छ,’ सांसद गनगाईंले भने, ‘यो सम्झौता राष्ट्र हितअनुकूल छैन। यो त्रुटि सच्याउन म सरकारसँग माग गर्छु।’
अदालतको कार्यशैलीप्रति असन्तोष प्रकट गर्दै उनले सर्वोच्च अदालत पनि शंकाको घेरामा परेको बताए। यो घटनाले स्वतन्त्र न्यायालय सरकारको इसारामा चल्न थालेको संकेत दिन्छ।’
मन्त्रिपरिषद् पुनर्गठनको तयारी : अध्यक्ष दाहाल
विराटनगर– नेकपाका अध्यक्ष पुष्पकमल दाहालले मन्त्रिपरिषद् पुनर्गठनको तयारी भइरहेको बताएका छन्। मंगलबार विराटनगर विमानस्थलमा सञ्चारकर्मीहरूसँग कुरा गर्दै दाहालले मन्त्रिपरिषद् पुनर्गठनका विषयमा मंगलबार बालुवाटारमा प्रधानमन्त्रीले आफूसँग छलफल गरेको जानकारी दिए।
सरकारलाई थप गतिशिल बनाउन मन्त्रिपरिषद्मा परिवर्तन गर्ने विषयमा प्रधानमनत्रीले सल्लाह मागेको दाहालले बताए। मन्त्रिपरिषद् पुनर्गठन प्रधानमन्त्रीको अधिकार क्षेत्रभित्रको विषय भएकाले आफै निर्णय गर्न सुझाव दिएको दाहालको भनाइ छ।
सिके राउतसँगको सहमति राष्ट्रघात : सभापति देउवा
पोखरा- नेपाली कांग्रेसका सभापति शेरबहादुर देउवाले पृथकतावादी गतिविधि गर्दै आएका सिके राउतसँग सरकारले गरेको सहमति राष्ट्रघाती भएको टिप्पणी गरेका छन्। प्रेस युनियन कास्कीले मंगलबार पोखरामा गरेको पत्रकार भेटघाट कार्यक्रममा बोल्दै उनले सहमति लगत्तै सिके राउतले भनेका कुराहरु सुन्दा राष्ट्रघात भएको पुष्टिहुने हुने दाबी गरे।
सरकारसँग सहमति भएपछि पनि राउतले मधेशलाई छुट्टै राज्य बनाउँछु भनेको भन्दै उनले भने ‘सिके राउत पनि सहमति गर्ने मध्येको एक हस्ताक्षर कर्ता हुन्, सहमति भएलगत्तै सिकेले मधेश छुट्टै देश बनाउँछु, स्वतन्त्र मधेश, जनमत संग्रह भनेका छन्, त्यसैले यो राष्ट्रघाती सम्झौता हो।’ यदी जनमत संग्रह वा छुट्टै देश बनाउनेबारे सहमति नभएको भए सरकारले त्यसको खण्डन गर्नुपर्ने बताउँदै त्यसो नगर्दा झन् आशंका बढेको उनको भनाई थियो।
घरेलु उद्योग महोत्सवमा साढे १५ करोडको कारोबार
काठमाडौं –१५ करोड चालिस लाख रुपैयाँको कारोबार गर्दै १५ औं अन्तराष्ट्रिय औद्योगिक व्यापार मेला सम्पन्न भएको छ।
नेपाल घरेलु तथा साना उद्योग महासंघको आयोजनामा राजधानीको प्रदर्शनीमागीस्थित भृकुटीमण्डप परिसरमामा चलिरहेको नेपाल १५ औं अन्तराष्ट्रिय औद्योगिक व्यापार मेला तथा घरेलु उद्योग महोत्सव–२०७५ मा संघीय मामिला तथा सामान्य प्रशासन मन्त्री लालबाबु पण्डितले आयआर्जन र उद्यमशीलताको विकासबाट मात्रै अर्थतन्त्र सुदृढ हुने बताए। नेपाली मौलिक उत्पादनहरुको आफ्नो बजारका साथै अन्तराष्ट्रिय बजारमा पनि पुर्याउन के के गर्नुपर्छ सरकार तयार रहेको बताए ।
भुटानविरुद्ध नेपाललाई ३–० को अग्रता
विराटनगर – पाँचौ महिला साफ च्याम्पियनसिप फुटबल प्रतियोगिता २०१९ को उद्घाटन खेलमा नेपालले भुटाविरुद्ध ३–० को अग्रता बनाएको छ।
विराटनगरस्थित शहिद रंगशालामा दिउँसो ३ बजे सुरु खेलमा नेपालका लागि मन्जलीकुमारी योन्जनले १३, सावित्रा भण्डारीले १६ र कप्तान निरू थापाले ५४ औं मिनेटमा गोल गरेका छन्।
जनसंवाद राजनीतिक यात्रामा डा. बाबुराम भट्टराईले के देखे ?
पूर्वप्रधानमन्त्री तथा नयाँ शक्ति पार्टी नेपालका संयोजक डा. बाबुराम भट्टराई, नागरिक फ्रन्टलाइनमा।
हेमन्त कान्छाको रुवाउने भाका
योगेश भट्टराईको प्रश्न: सात जनालाई हालेर किन उडान गरियो?
नेकपाका नेता तथा ताप्लेजुङ्का सांसद योगेश भट्टराईले हेलिकप्टरमा सात जना हालेर उडाइएप्रति प्रश्न गरेका छन्। भिआइपीको उडानमा पाइलटकसहित पाँच जनाभन्दा बढी पाथिभरामा उडान गर्न नमिल्ने उनले फेसबुकमा लेखेका छन्।
भट्टराई कै निर्वाचन क्षेत्रमा हेलिकप्टर दुर्घटनामा परी पर्यटनमन्त्री रवीन्द्र अधिकारीसहित सात जनाको मृत्यु भएको घटनालाई लिएर उनी फेसबुकमा लेख्छन्, ‘भीआइपी उडानमा पाइलटसहित पाँच जनाभन्दा बढी पाथिभरामा उडान गर्न मिल्दैन भनेर केहीलाई सुकेटार वा ताप्लेजुङ् बजार मै झारेर मात्र पाथिभरा उडान गर्दै आएका छन्, पाइलटहरूले। तर आज मौसम खराब हुँदाहुदै ७ जनालाई लिएर किन उडान गरियो? समयले उत्तर माग्छ।’
Wardrobe: The Shine Collection Bagbazar, Kathmandu 9869050396
नेपालमा कृषि सिकाउँदै अमेरिकी नागरिक एरिक ‘प्रेम’
प्रेम थापाको वास्तविक नाम एरिक ब्रायन हो। उनको वास्तविक घर अमेरिकाको न्यूयोर्कमा हो। नेपालमा कृषि सिकाउन तथा संस्कृति बुझ्नको लागि नेपाल आएको प्रेमले बताए। उनी २० महिना अगाडि नेपाल आएका हुन्।
पाल्पाको तानसेन नगरपालिका–९, मदनपोखराको छापमा उनले कृषि कार्य गर्दै आएका छन्। दिनहुँ गाउँका कृषकसँग मिलेर काम गर्ने र उनीहरुसँगै सिक्ने सिकाउने प्रेमको दैनिकी बनेको छ। उनी भन्छन्, ‘नेपाल कृषि प्रधान देश भन्ने सुनें। नेपालमा आएर यहाँको कृषिका विषयमा मैले स्नातकोत्तर तहका लागि थेसिस लेख्दै छु। कृषिको काम जसमा च्याउको काम गर्दै छु। नेपालमा सस्टेनेबल कृषिको कार्य भएको रहेछ। म दुई वर्षको लागि नेपाल आएको हुँ। म चार महिनापछि अमेरिका पुगेर फर्कन्छु। पूनः एक वर्ष बस्ने सोंच छ।’
हेलिकोप्टर दुर्घटनापछि अनेकौं अड्कलबाजी
पशुपतिले गरे ‘लुट्न सके लुट’ डिलीट गर्नुको खुलासा
पशुपतिले गरे ‘लुट्न सके लुट’ डिलीट गर्नुको खुलासा।
वैदेशिक रोजगारमा विभेद
सरकारले कानुनी रूपमा १ सय १० देश खुला गरे पनि अझैं पनि नेपालीको मुख्य गन्तव्य खाडी र मलेसिया नै बनिरहेको छ। कोहि नेपाली खाडीमा महिनाको २० हजार कमाउछन् भने कोहि नेपाली मकाउमा महिनाको २ लाख कमाउछन्।
हातमा हरियो पासपोर्ट, काधमा २ जोर कपडा बोकेको झोला, मनभरि परिवारको माया अनि सन्तानको उज्वल भविष्यको सपना। यी र यस्तै कुरा तरंगित हुँदै रोजगारीको खोजीमा दैनिक करिव एक हजार नेपालीले मुलुक छोडछन्।
विदेशिने नेपालीको मनमा तरंगित हुने भाव हुन् यी जसको अनुभव गर्न नसके पनि त्रिभुवन अन्तर्राष्ट्रिय विमानस्थलमा हरेक दिन देखिने यी र यस्तै पीडा बोध हुने दृश्यले बेरोजगार नेपालीको कहाली लाग्दो वास्तविकता उदाङ्गो पार्छ। नीति निर्माण तहबाट सम्बोधन हुन् नसकेको यो दैनिकीले राज्यलाई सधैं झक्झक्याउछ। नियतिको खाडलमा धकेलिएका यी नेपाली एउटै बाटो बाट विदेशिए पनि उनीहरु गन्तव्य घाम र जुन जस्तो फरक छ। कोहि राम्रो काम र दाम पाउने गन्तव्यमा पुग्छन त केहीको श्रम पसिना मरुभूमिको बालुवामै बिलाउछ। बाध्यताको बाटो बाट धन कमाउन सँगै विदेशिए पनि उनीहरुको श्रम र पसिनामा देखिएको अन्तर “वैदेशिक रोजगारमा विभेद” डलरको कथाको सातौँ शृंखला।
तङ्ग्रिएला कांग्रेस ?
नेपाली कांग्रेसले न पराजयको जिम्मेवारी कसैलाई बोकाउन सकेको छ न आफू तङ्ग्रिने गरी संसद्मै भूमिका खेलेको छ। तङ्ग्रिएला कांग्रेस ? नेपाली कांग्रेसका केन्द्रीय सदस्य अर्जुननरसिंह केसी नागरिक फ्रन्टलाइनमा।
मेरी बास्सैका राजु मास्टरका गफ
विप्लव माओवादीप्रति गृह प्रशासन किन लचिलो ?
काठमाडौं- नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीको हिंसात्मक गतिविधी बढ्दै गर्दा सरकारको भूमिकामाथि प्रश्न पनि शुरु भएको छ। पछिल्लोपटक सर्वसाधारणको ज्यान लिने गरी राजधानीमै बम विस्फोट गराइएपछि सरकारको भूमिकामाथि प्रश्नचिन्ह उठ्न थालेको हो।
शुक्रबार साँझ उक्त माओवादी घटकले देशैभर रहेका दुरसञ्चार सेवा प्रदायक कम्पनी एनसेलका टावर तथा बीटीएसहरुमा बम विस्फोट गरी क्षति पुर्याएको थियो। सोही क्रममा ललितपुर नख्खुस्थित एनसेलको मुख्यालयमा विस्फोट हुँदा एक जना सर्वसाधारणको निधन भयो भने २ जना सर्वसाधारण घाइते भए। एक दशकको गृहयुद्ध र एक दशककै संक्रमणकालबाट गुज्रिएर शान्ति तथा स्थिरताको यात्रा शुरु गरेको भनिएको समयमा भएका यी हिंसात्मक गतिविधीले फेरी एकपटक नेपाली जनतालाई युद्धको त्रास सिर्जना गरेको छ। यद्यपि विप्लव नेतृत्वको हिंसात्मक गतिविधीको यो घटना पछिल्लो कडी मात्र हो। यसको शुरुवात पहिले नै भइसकेको थियो।
पठाओ सेवा नरोक : सर्वोच्च
मोटर साइकलमा अन्य व्यक्तिलाई ओसार्ने कामबाट नेपाल सरकारको कानुन उल्लंघन भएको दावी सहित परेको एउटा रिटमा सर्वोच्च अदालतले मंगलबार सेवा रोक्न अन्तरिम आदेश दिन नमिल्ने निर्णय सुनाएको छ।
सर्वोच्च अदालतका न्यायाधीशद्धय केदार प्रसाद चालिसे र अनिल कुमार सिन्हाको संयुक्त इजलासले सो सेवाका विरुद्धमा परेको रिटको सुनुवाई गर्दै सो सेवा रोक्न अन्तरिम आदेश जारी नहुने जनाएको हो।
बीपी राजमार्गमा टाइमकार्ड लागु नगरेपछि छड्के चेकिङ
सिन्धुली- बीपी राजमार्गमा अत्याधिक दुर्घट्ना हुन थालेपछि गति सिमित गरि दुर्घटना न्युनिकरण लागि जिल्ला प्रहरी कार्यालय र जिल्ला ट्राफिक प्रहरी कार्यालयले टाइम कार्डलाई कडाइका साथ लागु गर्न थालेको छ। दैनिक दुर्घटना बढ्दै गएपछि तिब्र गतिकै कारण दुर्घट्ना भएको निष्कर्ष सहित ट्राफिक प्रहरीले टाइम कार्डलाई कडाइका साथ लागु गरि ट्राफिक व्यवस्थापनमा जुटेको हो।
प्रत्येक सवारीले टाइम कार्डमा उल्लेख भएअनुसारको समयलाई मध्यनजर नगर्दा दैनिक दर्जनौ दुर्घटना हुने गरेको भन्दै टाइम कार्डको लागु गरिएको हो। बनेपा–सिन्धुली–बर्दिबास सडक खण्ड अन्तर्गत नेपालथोकदेखि सिन्धुलीको भिमान सम्मका लागि गत दुई बर्ष अगाडीबाटै टाइमकार्ड राखिएको भएपनि राजमार्गमा चल्ने सवारीले टाइमकार्डको धन्जी उडाउदै तिब्र गतिमा सवारी चलाउँदा दैनिक दुर्घटना बढ्न थालेको थियो।
नेपालमा दैनिक २५ देखि ३० करोडको मोबाइल कारोबार
पेट्रोलियम पदार्थ र फलामपछि बढी कारोबार हुनेमा मोबाइल फोन हो। नेपालमा ३ करोड ८९ लाख मोबाइल फोन सञ्चालनमा छन्। एक जनाको हातमा चारदेखि पाँच वटासम्म मोबाइल पर्छ। जुन लगभग १ सय ३२ प्रतिशत हुन आउँछ। जसमा ३५ प्रतिशत प्रयोगकर्ता काठमाडौँमा छन्।
प्रतिव्यक्ति आम्दानी उल्लेख नभए पनि उपभोक्ताको मोबाइल फोन खरिदको आँकडा भने उलेख्य छ। दैनिक ७ देखि ८ हजार थानभन्दा बढी मोबाइल खपत हुने नेपाली बजारमा मोबाइलमा थप सुविधा खोज्ने ग्राहक पनि बढ्दै छन्। दैनिक २५ देखि ३० करोडको मोबाइल कारोबार हुने नेपालमा औसत १५ देखि २० हजार मूल्य पर्ने मोबाइल बढी बिक्ने ताम्राकार मोबाइल संघका अध्यक्ष जगत साउद बताउँछन्।
एकैदिन १७१ सवारी साधन कारबाहीमा
जथाभाबी हर्न बजाएर गुड्ने सवारी साधनमाथि ट्राफिक प्रहरीले कारबाही गर्न थालेको छ। महानगरीय ट्राफिक प्रहरी महाशाखाले आइतबार मात्र १७१ सवारी साधनलाई हर्न कारबाही गरेको छ। ध्वनि प्रदूषणले श्रवण शक्तिमा ह्रास हुने, रक्तचाप बढ्दै जाने, हृदयघात हुने, पक्षघात हुने, श्वासप्रश्वास प्रणालीमा असर हुने, स्मरण शक्तिमा कमी आउने, अशक्त, बालबालिका, ज्येष्ठ नागरिक र गर्भवतीलाई बढी असर पर्ने भएकाले कारबाहीलाई तीव्रता दिइएको हो।
महाशाखाका प्रमुख एवं प्रहरी वरिष्ठ उपरीक्षक वसन्त पन्तले उपत्यकावासीको स्वास्थ्यलाई ध्यानमा राखी खतरनाक घुम्तीबाहेक अन्य स्थानमा हर्न पूर्णरुपमा निषेध गरिएको जानकारी दिए।
हास्य कलाकार सन्तोषले भने छोरा बिहे गर्दैन
हास्य कलाकार सन्तोष पन्तलाई अब छोरा साकारको नामबाट चिनिने रहर छ। उनका जेठा छोरा साकार अस्ट्रेलियाबाट फिल्मसम्बन्धी विषय पढेर नेपाल फर्केका छन्। केही वृत्तचित्र र टेलिसिरियलसमेत निर्देशन गरिसकेका उनी एक नेपाली फिल्मको स्क्रिप्ट लेखनमा व्यस्त छन्। यसमा उनलाई बाबु सन्तोषले सघाइरहेका छन्। घरमै स्टुडियो राखेर उनले त्यसमा परिवारका सबै सदस्यका साथ काम गरिरहेका छन्। सन्तोषकी पत्नी प्रतिभा बहुचर्चित टेलिभिजन रियालिटी सो ‘हिजो आजका कुरा’की प्रोडक्सन म्यानेजर थिइन्। उक्त टेलिसिरियल टेलिभिजन इतिहासमा सबैभन्दा बढी रुचाइएको मानिन्छ।
‘आजका कुरा’बाट ‘हिजो आजका कुरा’मा बनेको उक्त सो निर्माणमा साकार लाइट समात्नेदेखि साउन्ड म्यानसम्मको भूमिका थिए। सन्तोषले २१ वर्षमा प्रतिभासँग विवाह गरेका थिए। प्रतिभा शिक्षिका थिइन्। सन्तोषको जेठो सन्तानको रूपमा छोरी सदीक्षा जन्मिइन्। तर, सात वर्षको कलिलो उमेरमै स्कुलबाट फर्कने क्रममा काठमाडौंको चक्रपथमा भएको एक दुर्घटनामा उनको निधन भएको थियो। अहिले सन्तोषका एक छोरा र एक छोरी छन्। कान्छो छोराले लिंग परिवर्तन गरी छोरी बनेका छन्। यसमा सन्तोष खुसी नै छन्। भन्छन्, ‘मै कहिल्यै सन्तानको इच्छाविपरीत गइनँ, उनीहरुले जे चाहे त्यही माने।’
परिर्वतन आफैंबाट सुरु गर्नुपर्छ भन्ने सन्तोषको मान्यता छ। नेपाली सेनामा जागिर पाएपछि उनी आफ्नो कलाकारिताको भविष्य सुरक्षित भएको ठान्छन्। सेनाको जागिरबाट अवकाश पाएको त्यो दिन आफूले कहिल्यै भुल्न नसक्ने उनी बताउँछन्। भन्छन्, ‘त्यो २०७२ वैशाख १२ को दिन थियो, जुन मैले मात्र होइन, कसैले बिर्सन सक्दैनन्। अहिले उनी सेनाकै एक कार्यक्रम ‘माटोले माग्दैन आफैं दिनुपर्दछ’मा व्यस्त छन्।
सन्ताको इच्छालाई स्वतन्त्र छाडिदिनुपर्ने उनी बताउँछन्। छोराबाट छोरी बन्नुमा पनि उनी सन्तानकै सुख मान्छन्। भन्छन्, ‘आमाबुवा भएपछि आफ्ना इच्छा छोराछोरीमा लाद्नु हुँदैन। उनीहरुको चाहना बुझ्नुपर्छ।’ समाजमा व्याप्त विकृतिले युवा जमातमा असर पारेकोमा सन्तोष दुःख मान्छन्। भन्छन्, ‘अधिकारका नाममा पतिपत्नीबीच प्रेमको दूरी बढ्दै छ।’ उनले ठट्यौली पारामा भने, ‘जसले गर्दा छोरा(साकार)बिहे गर्न डराएको छ।’ यस कार्यक्रममार्फत उनले छोरा साकारका लागि बुहरी खोजी पनि गरिएको बताए।
बाँकी विवरण भिडियोमा ।
किन घट्दैछ कम्युनिस्ट साख ?
किन घट्दैछ कम्युनिस्ट साख ? नेकपाका स्थायी कमिटी सदस्य, मणि थापा।
पशुपति शर्माको बिरोध कि उनको गीतको ?
गायक पशुपति शर्माले युट्युवबाट आफ्नो गीत हटाएपछि यसप्रति को चासो झन् बढेर गयो। उनले चार दिन अघि मात्र ‘लुट्न सके लुट…’ बोलको गीत सार्वजनिक गरेका थिए। तर सत्ताधारी दलका नेता कार्यकर्ताको दवावपछि शर्माले युट्युवबाट गीत हटाए। गीत हटाइए पनि उनको गीत डाउनलोड गरेकाहरुले सामाजिक सञ्जालमा भाइरल बनाए। वर्तमान राजनीति, सरकारका काम, वेतिथिबारे कडा प्रहार गरिएको गीत एकाएक लोकप्रिय बन्यो। सामाजिक सञ्जाल उनको पक्षमा रंगियो। सञ्चारमाध्यमले उनको गीतको समाचारलाई प्राथमिकताका साथ प्रकाशन प्रसारण गरे।
Wardrobe: The Shine Collection Bagbazar, Kathmandu 9869050396
घुस लिएर मैले जिन्दगीकै गलत काम गरेँ : आयुक्त पाठक
माइतीघरमा घन्कियो पशुपति शर्माको गीत
गायक पशुपति शर्माको ‘लुट्न सके लुट कान्छ…’ गीत प्रति समर्थन जनाउँदै माइतीघरमा विवेकशील नेपाली दल समर्थित युवाहरुले प्रदर्शन गरेका छन्। राजधानीको माइतीघर लगायत देशका विभिन्न स्थानमा उनीहरुले सार्वजनिकरुपमा गीत बजाउँदै प्रदर्शन गरेका हुन्। माइतीघरमा उनीहरुले शर्माको गीत बजाउँदै अभिव्यक्ति स्वतन्त्रता प्रति प्रहार नगर्न चेतावनी दिए। युवाहरु शर्माको गीत बजाएर नाचेका थिए।