यही भाद्र १ गते देखि नेपालमा मुलुकी अपराध संहिता र मुलुकी देवानी संहिता ऐन लगायतका कानून लागू भयो । सो कदम नेपाली न्यायीक इतिहासमा एक महत्त्वपूर्ण कदम थियो। यसले १६५ वर्ष अघि जंग बहादुर राणाको शासनकालमा जारी मुलुकी ऐनको विधिवत विसर्जन गरेको थियोे ।
तर उक्त कानून जारी भए लगत्तै डाक्टर, पत्रकार, र नागरिक समाज लगायत धेरैले खुलेरै बिरोध गरे। उक्त बिरोध पश्चात सो ऐनमा भएका कतिपय प्रावधान संशोधन हुने क्रममा छन् । आखरी के कारण विभिन्न पेसाकर्मीहरु मुलुकी ऐनको बिरोधमा उत्रिए ? नयाँ संविधानको मर्म र भावना अनुसार ल्याइएको उक्त ऐनमा के छ र प्रत्येक नेपालीका लागि किन महत्त्वपूर्ण छ? नागरिक ३६० को यो शृङ्खलामा हामी यिनै बिषयमा रहेर चर्चा गर्दैछौ ।
