Month: December 2018

वैदेशिक रोजगारीमा रहेका नेपालीको सुरक्षामा सरकार किन उदासिन ?

केही दशकदेखि वैदेशिक रोजगार नेपाली संस्कृतिको एउटा पाटो झैं बनिसकेको छ। विदेशमा गएर कमाएको पैसाले धेरैको जीवनमा ठूलो परिवर्तन ल्याएको छ। स्वास्थ्य, शिक्षा आदिमा विपन्न र गरिब नेपालीको पनि पहुँच बढेको छ।
तर कतिपय भने यसको चर्को मूल्य चुकाउन बाध्य छन्। सन् २००० यता ११ हजार भन्दा बढी नेपालीले वैदेशिक रोजगारीमा ज्यान गुमाएको तथ्यांकले देखाउँछ।
त्यसमध्ये करिब ४ हजार ५ सयले साउदी अरबमा ज्यान गुमाएका छन् भने ४ हजारले मलेसियामा। त्यस्तै कतारमा ज्यान गुमाउनेको संख्या भने करिब २ हजार छ।
ति कामदारको कसरी मृत्यु भयो भन्न गाह्रो छ। सम्बन्धित देशले दिएको जानकारी अनुसार धेरैको मृत्यु कार्डियाक एरेस्ट, आत्महत्या, कार्यस्थल दुर्घटना, सडक दुर्घटना लगायत कारणले भएको देखिन्छ। अरु कतिको प्राकृतिक कारणले मृत्यु भएको भनिएको छ भने केहीको हत्या भएको मृत्युपछि जारी मेडिकल रिपोर्टले देखाउँछ।
मृत्यु भएका धेरै परिवारले क्षतिपूर्ति तथा अन्य सहयोग पाएको देखिँदैन। वैदेशिक रोजगार प्रबर्द्धधन बोर्डका अनुसार २०६४÷०४÷०१ बाट २०७५÷०६÷२६ सम्म ६ हजार ९२० मृतक कामदारका परिवारले बोर्डबाट पाउने क्षतिपूर्ति पाएका छन्।
बोर्डले नेपाल सरकारको स्वीकृति लिएर वैधानिक ढंगले विदेश काम गर्न गएका मृतक कामदारका परिवारलाई मात्रै आर्थिक सहायता दिने गर्छ।
त्योभन्दा सम्वेदनशील कुरा के छ भने नेपाल वा गन्तव्य मुलुकका सरकारले कामदारको सुरक्षा तथा मृत्यु कम गर्न खासै पहल गरेको देखिँदैन।
कामदार पठाउने र कामदार लिने देश जिम्मेवार हुने हो भने सडक दुर्घटना, कार्यालय दुर्घटना र आत्महत्या जस्ता कारणले मर्नेको संख्यामा कमी आउने बताइन्छ।
खाडी र मलेसियाको विकासमा अनवरत खटिएका लाखौं नेपालीहरु इमान्दार ढंगबाट आ–आफ्नो जिम्मेवारी पुरा गर्दैछन्। उनीहरुको जिउज्यान र कुशलताको जिम्मेवारी कसले लिने?

Next Video

नेपाली काङ्ग्रेसका नेताले हिन्दू राज्यको मुद्दा किन उठाउँदैछन्?

महासमिति बैठक पछि नेपाली काङ्ग्रेस विधान परिवर्तन गर्दै नयाँ संरचनामा आइपुगेको छ। यसका नेताले हिन्दू राज्यको मुद्दा किन उठाउँदैछन्? नागरिक FRONTLINE मा नेपाली काङ्ग्रेसका महामन्त्री प्रा.डा. शशांक कोइराला।

महेश महर्जनको स्वागत । गाजाको खेति। लालबाबुको साइकलमा तेल। कांग्रेसमा डिप लभ

विवाह मण्डपमै कुटिइन बेहुली

विवाहको मण्डपमा बसिरहेकी एक बेहुलीमाथि कुटपिट भएको छ। बेहुलीलाई कुटपिट गर्ने पाँच जनालाई तेह्रथुम प्रहरीले नियन्त्रणमा लिएको छ।
राति १०.३० बजे विवाह भइरहेको फेदाप गाउँपालिका–३, जलजलेस्थित बेहुलीको घरमा स्थानीय युवाको समूहले आक्रमण गरेको थियो। उनीहरूको कुटपिटबाट बेहुली प्रतिक्षा सम्बाहाम्फे र अन्य तीन जना घाइते भएका छन्।
प्रहरीले विवाहमा कुटपिट गर्ने १९ वर्षका सरोज लिम्बू, १४ वर्षका ओमन लिम्बू, २१ वर्षका दिनेश लिम्बू, १९ वर्षका सुदीप लिम्बू र १७ वर्षका मन्दिप लिम्बूलाई नियन्त्रणमा लिएको छ । कुटपिटबाट घाइते भएकी बेहुलीको थप उपचारका लागि विराटनगर पठाइएको र अन्य घाइते बेहुलीका दाजु देउमान लिम्बू, सुमन खापुङ र टीकादेवी सम्बाहाम्फेको जिल्ला अस्पतालमा उपचार भइरहेको जिल्ला प्रहरी कार्यालयका प्रहरी निरीक्षक नारायण गौतमले जानकारी दिए।

दाहाललाई कांग्रेसको जवाफः होली वाइन पिउनेहरुले धर्मबारे पढाइरहनुपर्दैन्

 

मुख प्रतिपक्षी नेपाली कांग्रेसले हिन्दू राष्ट्रको बहससँग नआत्तिन सरकारलाई आग्रह गरेको छ। प्रवक्ता विश्वप्रकाश शर्माले आइतवार पत्रकार सम्मेलन गरी हिन्दू राष्ट्रको बहससँग नआत्तिन र कांग्रेसलाई धर्मका बारेमा नपढाउन सरकार र नेकपाका नेतालाई आग्रह गरेका हुन्।
मंसिर २९ गतेदेखि जारी महासमिति बैठकमा नेताले हिन्दू राष्ट्र र धार्मिक स्वतन्त्रताको मुद्दालाई जोडदार रुपमा उठाएका छन्। महासमिति सदस्यहरुको मागले कांग्रेस नेतृत्व समेत दबाबमा परेको छ। यस्तो बेला शनिवार राजधानीमा आयोजित सार्वजनिक कार्यक्रममा नेकपाका अध्यक्ष पुष्पकमल दाहालले कांग्रेसमा हिन्दू धर्मको बहसप्रति आपत्ति जनाएका थिए। कांग्रेसले हिन्दू राष्ट्रको पक्षमा वकालत गर्न नसुहाउने भन्दै दाहालले अतिवादलाई लिएर राजनीति गरे दुर्भाग्य हुने टिप्पणी गरेका थिए। उनले आफ्नो सम्बोधनमा संस्थापक नेता विपी कोइरालादेखि गिरिजा र सुशील कोइरालासम्मको नाम लिँदै धर्मनिरपेक्षताको विरुद्ध नजान आग्रह गरेका थिए।
Wardrobe: The Shine Collection Bagbazar, Kathmandu 9869050396

सिङ्गो गाउँनै एक व्यक्तिको नाममा दर्ता

 

 पश्चिम नवलपरासीको पाल्हीनन्दन गाउँपालिकाको एउटा सिङ्गो गाउँ नै एक व्यक्तिको नाममा दर्ता भएको रहस्य खुलेको छ । विसं २०२४ मा नापी हुँदा हाल वडा नं ६ मा पर्ने साविक सनई गाविस वडा नं २ को सनई गाउँ नै भोनु चौधारीको एकल नाममा दर्ता भएको ५१ वर्षपछि अहिले आएर रहस्य खुलेको हो।
उक्त गाउँमा ९० घरधुरी छन्। सनई २ (क) कित्ता नं ३३५ को गाउँब्लक भनी १० बिघा दुई कठ्ठा पाँच धुर जग्गा स्थानीयवासी चौधरीको नाममा दर्ता रहेको परासी नापी कार्यालयको फिल्डबुकमा उल्लेख छ । गाउँ ब्लकमा पर्ने सो जग्गाको आव २०७१÷७२ मा नापी गरी पूर्जा वितरण गर्ने क्रममा सो रहस्य खुलेको पाल्हीनन्दन–६ का वडाध्यक्ष कृष्णचन्द्र यादवले जानकारी दिए।
पुर्जा वितरणका लागि भन्दै नापी कार्यालयले नापजाँच गरेको तर लामो समयसम्म पनि पुर्जा नपाएपछि बुझ्न जाँदा एकै व्यक्तिको नाममा दर्ता भएकाले पुर्जा दिन नमिल्ने भनेपछि सो रहस्य खुलेको अध्यक्ष यादवले बताए।
फैसला थाहा नपाएको ‘बहाना’ मा मनाङे जेलमुक्त
ज्यान मार्ने मुद्दामा सजाय भोगिरहेका दीपक मनाङे (राजीब गुरुङ) ले तत्कालीन पुनरावेदन अदालत पाटनको फैसला थाहा नपाएको दाबी गरेपछि सर्वोच्च अदालतले उनलाई थुनामुक्त गर्दै पुनरावेदन गर्न पाउने आदेश दिएको छ। न्यायाधीशहरू शारदाप्रसाद घिमिरे र बमकुमार श्रेष्ठको संयुक्त इजलासबाट मनाङेलाई धरौटीमा जेलमुक्त र पुनरावेदन गर्न पाउने आदेश भएको हो।
प्रदेशसभा सदस्यका लागि भएको प्रत्यक्ष चुनावमा मनाङ (ख) बाट विजयी भएका मनाङेले सांसद पदको सपथ भने लिन पाएका छैनन्। अदालतबाट ५ वर्ष जेल सजाय तोकिएका कारण उनले सपथ लिन नपाएका हुन्। २०६९ साउन २८ मा तत्कालीन पुनरावेदन अदालत पाटनले सुरु फैसला केही उल्ट्याँदै मनाङेलाई ज्यान मार्ने उद्योगमा ५ वर्ष जेल सजाय ठहर गरेको थियो।
त्यसअघि २०६३ माघ ७ मा जिल्ला अदालत काठमाडौंले मनाङेलाई ज्यान मारेको ठहर गर्दै २ वर्ष कैद हुने फैसला सुनाएको थियो।

पूर्व पाकिस्तानी प्रधानमन्त्री शरीफलाई सात बर्षकाे जेल सजाय

 

पाकिस्तानका पूर्व प्रधानमन्त्री नवाज शरीफलाई अदालतले सोमबार सात बर्षको जेल सजायको फैसला सुनाएको छ। भ्रष्टाचार सम्वन्धी मुद्दाका कारण यसअघिदेखि नै थुनामा रहेका शरीफलाई अदालतले साेमबार अन्तिम फैसला गर्दै जेल सजाय तोकेको हो।
फैसला पूर्व प्रधानमन्त्री शरीफको परिवारद्वारा मध्यपूर्वमा चलाएका व्यवसायबारे पानामा पेपर्समा आएका सूचनाहरूमाथिको अनुसन्धानपछि आएकाे बताइएको छ। पाकिस्तानमा तीन पटक प्रधानमन्त्री बनेका शरिफले भने आफुमाथि लागेका भ्रष्टाचारसम्वन्धी सवै आरोपहरूको खण्डन गरेका छन्। उनले पाकिस्तानमा प्राय हावी हुने शक्तिशाली सुरक्षा निकायले पूर्वाग्रहपूर्वक आफुमाथि भ्रष्टाचारको मुद्दा लगाएको र यसको प्रभाव अदालतहरूमा समेत परेको आरोप लगाउदै आएका छन्।

कहिले रोकिन्छ सडक दुर्घटनाको महामारी ?

काठमाडौं– गत हप्ता दाङमा एक स्कुल बस दुर्घटना हुँदा त्यसमा सवार २३ जना यात्रुको मृत्यु भयो भने अरु धेरै घाइते भए। त्यसको केही दिनअघि नुवाकोटमा एक मिनी ट्रक दुर्घटना हुँदा त्यसमा सवार १८ जना यात्रुको मृत्यु भयो, दर्जनौ घाइते भए। नुवाकोट र दाङमा भएका दुर्घटनाले फेरि एकपटक सडक दुर्घटना र सडक सुरक्षामाथि बहस चुलिएको छ।
पछिल्ला वर्षहरुमा नेपालमा सडक दुर्घटना महामारी जस्तै फैलिएको छ।  यस वर्षमात्रै करिब १ हजार ५ सय नेपालीले सडक दुर्घटनामा ज्यान गुमाइसकेका छन्।
आखिर किन हुन्छ त यति धेरै दुर्घटना ? तथ्यांक र पर्याप्त अध्ययनको कमीका कारण यही कारणले दुर्घटना भइरहेको छ भनेर यकिन गर्न गाह्रो छ। तर काठमाडौं उपत्यकामा भएको दुर्घटनालाई आधार मानेर गरिएको अध्ययनले सडक दुर्घटना सम्बन्धी धेरै नौला तथ्य अघि ल्याएको छ।
अध्ययन अनुसार सबैभन्दा धेरै मोटरसाइकल दुर्घटना हुने गरेको देखिन्छ। त्यस्तै बढी दुर्घटना हुने अन्य सवारीमा कार, भ्यान र जीप, तेस्रोमा ट्रक, चौथोमा माइक्रो बस, टेम्पो र रिक्सा अनि साइकल पर्छन।
समयको दृष्टिकोणले हेर्दा दिनको १२ बजेबाट रातको ६ बजेसम्म सबैभन्दा धेरै दुर्घटना हुने गरेको देखिन्छ भने रातको १२ बजेबाट ६ बजेसम्म सबैभन्दा कम दुर्घटना हुने गरेको छ। यो समयमा गाडी खासै नचल्नुका कारण पनि कम दुर्घटना भएको देखिन्छ।
दुर्घटनाको कारण सबैभन्दा बढी चालकको लापरवाहीका कारण भएको देखिन्छ। त्यस्तै तीव्र गति, मादक पदार्थको सेवन, यान्त्रिक गडवडी, ओभर ट्याक, यात्रुको लापरवाहीका कारण पनि दुर्घटना हुने गरेको पाइएको छ।
उमेर समूहको कोणबाट हेर्दा सबैभन्दा बढी २१ देखि ४० वर्ष उमेर समूहका मानिसको हुने गरेको देखिन्छ र यसै उमेर समूहका मानिसको धेरै ज्यान गएको देखिन्छ।
प्राय गाडी चलाउनेहरु यसै समूहका छन्, गाडी चलाउनेहरुको संख्या कम भएपनि २० वर्ष मुनिका उमेर समूहका पनि धेरै दुर्घटनामा पर्ने गरेका छन्। ४० वर्ष माथिका हरु भने कम दुर्घटनामा पर्ने गरेको देखिन्छ। १६ वर्ष भन्दा कमका मानिसहरु गाडी चलाउन अयोग्य भएपनि यो उमेर समूहबाट उल्लेख्य संख्यामा दुर्घटनामा परेर मृत्यु हुने गरेका छन्। दुर्घटनामा परेर महिला भन्दा ३ गुणा बढी पुरुषको मृत्यु हुने गरेको देखिन्छ।
तर प्रहरीको विश्लेषणमा कहीँ पनि सडकको अवस्थाको कारणले दुर्घटना भएको उल्लेख छैन्। यसबाटै बढ्दो सडक दुर्घटना प्रति सरकार त्यति संबेदनशील नरहेको पुष्टि हुन्छ। हास्यास्पद के छ भने सडक दुर्घटनामा हरेक वर्ष सयौं मानिसले ज्यान गुमाउँदा टुलुटुलु हेरेर बस्ने सरकार रेल र पानी जहाजका सपनाको ब्यापारमै मस्त छ।

रस चुस्न नसक्ने अनि निकम्मा भन्ने?

सार्वजनिक प्रशासनविद्ले अनुसन्धानविना राज्य चल्न नसक्ने बताएका छन्। बुधवार साँझ नागरिक फ्रन्टलाइनमा पत्रकार श्रीराम पौडेलसँग कुरा गर्दै सार्वजनिक प्रशासनविद् द्वय प्रा.डा. श्रीकृष्ण श्रेष्ठ र प्रा.डा. गोविन्द ढकालले मुलुक संघीयतामा प्रवेश गरी तीन तहमा गइसक्दा पनि केन्द्रीय सरकारले कुनै अनुसन्धान नगर्दा पुरानै संरचनाले निरन्तरता पाएको बताए। ‘नागरिकलाई छिटो भन्दा छिटो सेवा दिने भनेर तीन तहको सरकार आएको छ। जनहितमा यसले कति काम ग-यो?’ उनीहरुले प्रश्न गरे, ‘तीन तहबीच कुनै समन्वय छैन्, अहिले पनि केन्द्रकै मुख ताक्नुपर्ने अवस्था छ। अनुसन्धान विनाको राज्य चल्छ? केन्द्र सरकारको अनुसन्धान खै?’ राणा शासनको खानेपानीका लागि पाइप बाड्ने परिपाटी अहिले पनि कायम रहेको भन्दै श्रेष्ठ र ढकालले कर्मचारीतन्त्रलाई दोष दिएर उम्किने ठाउँ नरहेको धारणा राखे। सार्वजनिक जवाफदेहितामा सेवा प्रवाह महत्वपूर्ण कुरा भएको उनीहरुको भनाई छ।

‘फ्रान्समा नेपोलियन बोनापार्टले बनाएका सडकमा अहिले मर्सिडिज गुडिरहेका छ। हाम्रो त्यही धान चामल बेच्न ल्याउने र त्यसैले खर्च चलाउने प्रवृत्ति छ। यसरी देश चल्दैन। दीर्घकालिन भिजन हुनुप-यो। सडकमा पाइप फुटेर पानी बगिरहेको छ। त्यही बाटोमा सर्वसाधारण हिडिरहेका छन्। प्रधानमन्त्री, मन्त्रीहरुको गाडी गुडिरहेको छ। खानेपानी र सडक त बनाउन नसक्ने देशमा ठुल्ठुला कुरा गरेर हुन्छ? नागरिकप्रति जवाफदेही खै?’ सार्वजनिक प्रशासनविद् ढकालले प्रश्न गरे। उनले नागरिकप्रति सबैभन्दा पहिलो जिम्मेवार राज्य नै हुने भन्दै सरकारले आफ्ना राम्रो, नराम्रो कामको मूल्यांकन गर्नुपर्नेमा जोड दिए।

धुलोधुवा नियन्त्रण गर्न नसकेकोमा सरकारको आलोचना गर्दै ढकालले अस्पताल चलाउन धुलो निकालेको हो भनी प्रश्न गरे। सरकारले काम गर्न नसक्दा निजी क्षेत्रको भर पर्नुपरेको भन्दै यसमा पनि ढिलाई भइरहेको उनको भनाई छ। ‘निजीलाई ५ वर्षका लागि काम दिँदा १५ वर्ष समय लगाउँछन्। मेलम्ची आयोजनामा यस्तै भइरहेको छ। निगरानी र अनुगमन पनि छैन्। सरकार आफू पनि नगर्ने र निजी क्षेत्रलाई पनि समयमा गराउन नसक्ने?’ उनले प्रश्न गरे, ‘यो राज्य व्यवस्था संकटको पराकाष्ठ हो।’

अर्का सार्वजनिक प्रशासनविद् श्रेष्ठले करप्सन (भ्रष्टाचार), क्लाइटिलिजम (आफ्नो मान्छे काखी च्याप्ने प्रवृत्ति) र क्याप्चर (विशेष समूहको नियन्त्रण)ले सिस्टम ध्वस्त पारेको बताए। ‘यी कुरा निजी स्वार्थका लागि हुन्छ। जनहितका काम कम र निजी स्वार्थ बढी देखिँदा जनतामा निराशा छाउने उनको भनाई छ। उनले कर्मचारीतन्त्रलाई निकम्मा बनाउने राजनीतिक नेतृत्व नै भएको बताए। उनले सार्वजनिक जवाफदेहिता बढाउन चेतनास्तर शक्तिशाली हतियार हुनेमा जोड दिए। ‘चेतनशील जमात बढाउन आवश्यक छ। प्रहरीको विश्वास गुम्यो भने भोलि कोही पनि प्रहरीमा भर्ना हुँदैन र यो गम्भीर अवस्था हुन्छ। सरकारमा पनि त्यही हो। प्रधानमन्त्रीले जे कुरा बोले त्यो पुरा भएन भने जनतामा आश मर्दै जान्छ। अर्काे आउँदा उस्तै हो भन्ने पर्छ’, उनले भने।

राष्ट्रपतिलाई महंगो गाडी र हेलिप्टर विवादबारे आफ्नो धारणा राख्दै प्रशासनविद् श्रेष्ठले राज्यको क्षमताले नभ्याउने आश्वासन नदिन राजनीतिक नेतृत्वलाई सुझाव दिए। ‘राज्यको क्षमता छैन्। तर गर्छु भन्यो भने विश्वासको संकट हुन्छ। यद्यपी योजना सहि होला’, उनले भने। आफू नर्वे गएको घटना स्मरण गर्दै श्रेष्ठले भने, ‘हामी नर्वे जाँदा एयरपोर्टको एउटा कुनामा त्यहाँका अर्थमन्त्री छेउमा उभिरहेका थिए। सेक्युरिटी केही थिएन। तर नेपालमा रिटायर भएको उपप्रधानमन्त्रीले अगाडि पछाडि सुरक्षाकर्मी राखेर रवाफ देखाइरहेका छन्। हाम्रो संस्कार अझै परिवर्तन भएन। यो सार्वजनिक जवाफदेहिता होइन।’

वृद्धभत्ता बढाउने प्रतिबद्धता कार्यान्वयन नभएको विषयमा उनले काठमाडौंमा मासिक ३ लाख भाडा उठाउनेले पनि वृद्धभत्ता लिइरहेको भन्दै विरोध जनाए। ‘महिनाको ३ लाख भाडा उठाउँछ अनि त्यही व्यक्ति वृद्धभत्ता थाप्न जान्छ। वृद्धभत्ता गरिबी निवारणको एउटा पाटो हो। तर धनाढ्यले पनि लिइरहेको छ। त्यसकारण क्षमता नभई गफ दिनुहुँदैन। नियम ठिक होला। तर वृद्धभत्ता बढाउँछु, यो गर्छु, अर्काे गर्छु भन्नु हुँदैन्।’ उनले अहिले नै जनता पूर्ण रुपमा निराश हुनुपर्ने अवस्था नरहेको भन्दै सामाजिक जवाफदेहिता र स्व जवाफदेहिताको आवश्यकता औल्याए। ‘पावरमा भएकाहरुमा संस्कार भएन, मालिक हुँ भन्ने भावना छ, जसका कारण राज्यप्रति जनविश्वासमा कमी हुँदै गएको छ’, उनले भने, ‘आत्म शुद्धिकरण गरे विश्वास बढ्छ।’

उनले शासन पद्धतिमा नागरिक संलग्नता बढाउनुपर्ने र नागरिक जागरुक भए राज्यलाई जवाफदेहि बनाउन सकिने धारणा राखे। यसका लागि सञ्चारमाध्यम, अभिमुखीकरण कार्यक्रमको मुख्य भुमिका रहने उनको भनाई छ।

In conversation with Manisha Koirala 

In conversation with Manisha Koirala 
Manisha talks about her personal battles and her struggle with cancer in a conversation about her memoir ‘Healed’.

बहिनीले दिदीलाइ स्वदेश फर्काइन् ( दिदी बहिनीको सम्बन्धहरू )

पाँच बहिनी मध्ये तिन जना दिदी बहिनी चर्चित रगंकर्मी । सुर्यमाला, चन्द्रमाला र निशा । सुर्यमाला र चन्द्रमालाले करिव तीस दशक अघिका चर्चित रंगकर्मी अभिनेत्री हुन् भने उनीहरुकी बहिनी निशा शर्मा अहिले पनि रंगकर्मीका रूपमा चर्चित छिन् । यि दिदी बहिनीहरुको सम्बन्धहरूमा अटुट विश्वास छ । एकलाइ मर्का पर्दा अर्कोलाइ अहिले पनि पिडा हुन्छ । विवाह गरेर टाढा गइसकेपछि पनि आफु भित्रको प्रेमले एकअर्कालाइ बाधीरहेका छन् । सुर्यमालाका श्रीमान अभिनेता सरोज खनाल हुन् भने चन्द्रमालाका श्रीमान अशोक वर्मा भारतिय व्यापारी हुन् ।
बाँकी भिडियोमा :-

सबै लुट्यो दलालले

विदेशिने धेरै नेपालीका सपना उस्तै हुन्छन् । गन्तव्य पनि उहिं हुन्छ । अनि जाने बाटो पनि एउटै । तर, त्यहि बाटोमा दलालले बिछ्याएका जालहरु भने अनगिन्ती हुन्छन् । त्यहि भएर विदेश गएर धन कमाउला भन्ने सपना देखेका अधिकांश नेपाली दलालको चंगुलमा परेर ठगिन्छन् । फरक यति हो कोहि यहि ठगिन्छन कोहि विदेश पुगेर । कोहि ठगीएपनि विदेश पुग्न पाउछन् । तर केहीको सपना भने विदेश नपुगी टुक्रिन्छ । विदेशिने नाममा नेपालमै ठगिएका नेपालीको कथा डलरको कथाको दोस्रो श्रृंखला:

दलालको जालमा परेपछि या विदेशजाने सपनाले नेपालमै ठगिएका केहीका कथा व्यवथा मात्र हुन् यी त । गरिवी,अशिक्षा,बेरोजगारी अनि लहडले धेरै नेपाली नेपालमै ठगिन्छन,कोहि आफन्त बाटै ठगिन्छन कोहि भने आखाँ चिम्लेर कसैलाई विश्वासगर्दा फस्छन् । वैदेशिक रोजगार सम्बन्धी पर्याप्त जनचेतनाको अभावमा सयौ नेपालीको लाखौ पैसा डुबेको छ ।
आर्थिक वर्ष २०७४/०७५ मा मात्र विदेश पठाइदिने नाममा १ हजार १ सय नौ नेपाली विभिन्न व्यक्ति बाट ठगिएका छन् । ति १ हजार १ सय नौ जनाले ७५ करोड ३७ लाख १० हजार रुपैया एजेन्टले खाएको भन्दै असुल गरिदिन विभागमा उजुरी गरेका छन् । जस मध्ये १५ करोड २४ लाख ४५ हजार रकम विभागले असुल उपर गराईदिएको छ भने १ सय ९१ जना बिरुद्द अदालतमा मुद्दा नै दर्ता गरिएको छ । आर्थिक वर्ष ०७५/०७६ को पहिलो ३ महिनामा मात्र १५ करोड भन्दा बढी ठगिएको भन्दै २ सय ७८ जनाले विभिन्न व्यक्ति बिरुद्द उजुरी दर्ता गराएका छन् ।

सञ्जु कटुवाल। श्रीमान गम्भिर। घरभाडा फिर्ता।केपी ओली बुलेटमा। देउवालाई सकस

देउवा र पौडेलबीच केन्द्रीय समितिमै चर्काचर्की

नेपाली कांग्रेसका सभापति शेरबहादुर देउवा र नेता रामचन्द्र पौडेलबीच केन्द्रीय समिति बैठकमै तीब्र विवाद भएको छ। महासमिति बैठकको संघारमा बिहीबारको केन्द्रीय समिति बैठकमा सभापति देउवा र नेता पौडेलबीच पार्टी सञ्चालन र निर्वाचनमा पराजयको विषयलाई लिएर विवाद भएको हो।

प्रतिनिधि र प्रदेशसभा निर्वाचनमा पार्टी पराजयको जिम्मेवारी कसले लिने भन्नेमा एक वर्ष समय गुजारेका नेताहरू फेरि सोही विषयलाई लिएर विवाद गरेका हुन्। आन्तरिक विवादलाई सल्ट्याएर महासमिति बैठकबाट नेताहरूले एकताको सन्देश दिने अपेक्षामा नेता तथा कार्यकर्ता रहेका बेला शीर्ष दुई नेता बैठकमै असिष्ट ढंगबाट प्रस्तुत हुँदा केन्द्रीय समिति असहज बन्न पुगेको थियो।

शुक्रबारबाट सुरु हुने महासमिति बैठकमा पेस गर्ने विभिन्न प्रस्तावमाथि छलफलमा सहभागी हुँदै नेता पौडेलले प्रदेश र प्रतिनिधिसभा निर्वाचन पराजयको जिम्मेवारी सभापतिले लिनुपर्ने धारणा राखेका थिए। निर्वाचन गराएको विजय सभापतिले लिएको तर पार्टी पराजयको दोष भने लिन तयार नभएको धारणा राखेपछि सभापति देउवालगत्तै त्यसको प्रतिवादमा उत्रिएका थिए।

 

Wardrobe: The Shine Collection Bagbazar, Kathmandu 9869050396

हेलिकोप्टर खरिद प्रक्रियामै त्रुटि, अस्वाभाविक महँगो

भिभिआइपी उडानका लागि भन्दै भित्र्याइएको अगस्टा वेस्टल्यान्ड हेलिकोप्टरको खरिद प्रक्रियामै त्रुटि भेटिएको छ। काठमाडौं आइपुगेको उक्त हेलिकोप्टर भिभिआइपीको सवारीका लागि भन्दै नेपाली सेनाले खरिद गरेको हो।

राष्ट्रपति, उपराष्ट्रपति र प्रधानमन्त्रीले चढ्ने उक्त हेलिकोप्टर किन्न सेनाले प्रतिस्पर्धाबिनै इटालीको एक कम्पनीसँग एक करोड ३९ लाख ८४ हजार दुई सय ४३ युरो (हालको एक अर्ब ८१ करोड रुपैयाँ) मा खरिद सम्झौता गरी प्रतीतपत्र खोलेको थियो। सेनाले सुरक्षा सामरिक वा प्रतिरक्षा सामग्री आपूर्ति गर्ने कार्यविधि २०६४ विपरीत प्रतिस्पर्धाबिनै बोलपत्र स्वीकृत गरेर हेलिकोप्टर खरिद प्रक्रिया अघि बढाएको थियो। २०७३ असार १६ को मन्त्रिपरिषद्को बैठकले प्रतिस्पर्धा सुनिश्चित हुनेगरी हेलिकोप्टर खरिद गर्न सेनालाई अनुमति दिएको थियो।

 

सरकार र पार्टी सन्चालन पद्धतिको  पार्टी भित्रै आलोचना

नेपाल कम्युनिस्ट पार्टी (नेकपा) स्थायी कमिटीको सोमबारको बैठकमा नेताहरुले सरकार र पार्टी सञ्चालन पद्धतिको खुलेर आलोचा गरेका छन्।

अध्यक्ष द्वय केपी शर्मा ओली र पुष्पकमल दाहालको प्रतिवेदनमाथि छलफलका क्रममा स्थायी समिति सदस्यहरुले सरकारका गतिविधिबारे पार्टीभित्र छलफल नभएको, एकलौटी निर्णय गरेको, विधानअनुसार पार्टी सञ्चालन नभएको टिप्पणी गरे। उनीहरुले विधानअनुसार तीन महिनामा स्थायी समिति बैठक बस्नुपर्नेमा ६ महिनामा बसेको, स्थायी समितिबाट निर्णय गर्नुपर्ने विषयलाई सचिवालयबाटै निर्णय गराइएको जस्ता विषयमा असन्तुष्टि जनाएका थिए।

उनीहरुले सरकारी तहमा भएका निर्णय विवादास्पद हुनुका साथै नियुक्ति, सरुवाजस्ता विषयमा सरकारी तहमा बिचौलिया हाबी भएका कारण सरकार बढी आलोचित भएको तथा सकारको कार्यशैलीमा देखिएका त्रुटि औल्याउँदा गाली खानुपर्ने स्थिति हुँदा सरकारको गति ठीक दिशातर्फ उन्मुख नभएको टिप्पणी पनि सदस्यहरुले बैठकमा गरेका थिए।

 

पूर्वराजा पोखरामा, १६ दिनका लागि २४ कोठा बुकिङ

अंग्रेजी नयाँवर्ष मनाउने गरि पूर्व राजा ज्ञानेन्द्र शाह पोखरा आएका छन्। पूर्वरानी कोमल शाह पनि ज्ञानेन्द्रसँगै पोखरा आएकी छिन्। शाह दम्पत्ति सोमबार बिहान जहाजबाट पोखरा ओर्लेका हुन्। उनीहरु बिहान ११ बजे बुद्ध एयरको जहाजबाट पोखरा ओर्लेका थिए।

शाह दम्पत्तिलाई पोखरा विमानस्थलमा २१ किलोको माला लगाएर स्वागत गरिएको थियो। राजपरिवारको समर्थक रहेकाहरुले स्वागत समारोह बनाएर विमानस्थल बाहिर शाह परिवारको स्वागत गरेका थिए। राजसंस्था स्थापित गराउने एजेण्डामा लागेका राजनीतिक पार्टी र पूर्व राजाका शुभचिन्तकले फूलमाला र पञ्चेबाजाले शाह दम्पत्तिको स्वागत गरेका थिए। शाह दम्पत्तिको स्वागतमा विमानस्थल क्षेत्र खचाखच भरिएको थियो। विमानस्थल भित्र र बाहिरको सडकमा भीड बढेपछि व्यवस्थापनमा पनि समस्या परेको थियो।

 

गोविन्द केसीको आन्दोलन २ हप्ता सर्‍याे

चिकित्सा शिक्षा सुधारका लागि सत्याग्रही आन्दोलन गर्दै आएका डा. गोविन्द केसीको सत्याग्रही आन्दोलन २ हप्ता पछि सरेको छ।

चिकित्सा शिक्षा ऐन पारित लगायतका सम्झौता कार्यान्वयनको माग गर्दै डा केसीले सरकारलाई पुस २ गतेसम्मको अल्टिमेटम दिएका थिए। माग पुरा नभए सत्याग्रहसहितको आन्दोलन शुरु गर्ने उनले पत्रकार सम्मेलनमार्फत घोषणा गरेका थिए।

यसबीचमा संसदको शिक्षा तथा स्वास्थ्य समितिले चिकित्सा शिक्षा विधेयक अघि बढाउन समय लाग्ने जानकारी आएपछि डा केसीले पुस १७ गतेसम्मलाई आन्दोलन सारेका हुन्।

मेलम्ची खानेपानी आयोजनाको ठेकेदारको पासपोर्ट जफत

मेलम्ची खानेपानी आयोजनाको निर्माणमा संलग्न ठेकेदार कम्पनीका प्रमूख  क्रिस्टियानो क्रुजोसहित ८ जनाको पासपोर्ट सरकारले नियन्त्रणमा लिएको छ।

इटालियन ठेकेदार कम्पनी सिएमसीका क्रुजाेसिहत २९ जना कर्मचारी २ दिनदेखि आयोजनाको काम छाडेर हिडेपछि उनीहरुको पासपोर्ट नियन्त्रणमा लिइएको महानगरीय प्रहरी अपराध महासाखाले जनाएको छ। सरकारले कामसक्न दिएको समयसीमा ४६ दिन वाँकी रहँदा निर्माणमा खट्नु पर्ने टोलीले काम छाडेपछि नेपाल छाडन नदिन उनीहरुको पासपोर्ट जफत गरिएको हो।

क्रिसमसको वहानामा नेपाल छाडेर जाने र त्यसपछि नआउने नियत देखिएको भन्दै उनीहरुलाई नेपाल छाडन नदिने गरी पासपोर्ट नियन्त्रणमा लिइएको हो।

एसपी विष्ट र इन्सपेक्टर भट्ट,जुनसुकै बेला पक्राउ पर्नसक्ने

बलात्कारपछि हत्या गरिएकी कञ्चनपुरकी बालिका निर्मला पन्त प्रकरणको अनुसन्धानमा लापरवाही गरेको भन्दै प्रहरी अधिकारीविरुद्ध किटानी जाहेरी परेको छ।

निर्मलाकी आमा दुर्गादेवी पन्त, दिलीप विष्टका दाई खड्ग विष्टले मंगलबार बर्खास्तीमा परेका तत्कालिन कञ्चनपुर प्रहरी प्रमुख एसपी डिल्लीराज विष्ट, प्रहरी निरीक्षक जगदिश भट्ट तथा निलम्बनमा रहेका सिआइबीका डिएसपी अंगुर जिसी र तत्कालिन कञ्चनपुर प्रहरी प्रवक्ता डिएसपी ज्ञानबहादुर सेठी लगायतविरुद्ध सार्वजनिक न्यायबिरुद्धको कसुरअन्तर्गत कारवाहीको माग गर्दै जाहेरी दिएका हुन्।

जाहेरीमा दोषी जोगाउने उद्देश्यले प्रमाण नष्ट गरेको र निर्दोष व्यक्तिलाई नियन्त्रणमा लिएर यातना दिएकाले एसपी विष्टसहित प्रारम्भिक अनुसन्धानमा संलग्न सम्पूर्ण प्रहरी अधिकारीलाई कारवाहीको माग गरिएको छ।

 

मुम्बईको अस्पतालमा भीषण आगलागी, ८ जनाको मृत्यु

भारतको मुम्बईस्थित एक सरकारी अस्पतालमा सोमबार साँझ भीषण आगलागी भएको छ । आगलागीमा परी ८ जनाको मृत्यु  छ भने झन्डै १ सय ५० जना घाइते भएका छन्।

आगलागी नियन्त्रणमा लिनका लागि ठूलो संख्या दकमल र प्रहरी परिचालन गरिएको भारतीय सञ्चार माध्यमहरुले जनाएका छन् । उपनगरीय अंधेरीको मरोलमा रहेको इएसआईसी कामगार अस्पतालमा अकस्मात आगो सल्किएको प्रहरीले जनाएको छ।

प्रहरीका अनुसार घाइतेहरुलाई भ-याङ्गको सहायताले अस्पतालको फरक फरक तलाबाट उद्धार गरिएको थियो। आगलागी सबैभन्दा तल्लो तल्लाबाट सुरु भएको थियो भने ज्यान गुमाउने अधिकांश तल्लो तलाका नै रहेको जनाइएको छ । आगो लागेपछि अस्पतालको माथिल्लो तल्लाबाट हामफालेर धेरै घाइते भएका छन् । घाइते मध्ये एक दर्जनको अवस्था चिन्ताजनक रहेको मुम्वई प्रहरीले जनाएको छ।

 

क्याटिओना ‘मिस युनिभर्स’

थाइल्याण्डको बैंककमा भएको ‘मिस युनिभर्स २०१८’ को उपाधि फिलिपिन्सकी सुन्दरी क्याटिओना ग्रेले जितेकी छन्। प्रतियोगितामा दक्षिण अफ्रिका ‘फस्ट रनरअप’ हुँदा भेनेजुएला ‘सेकेन्ड रनरअप’ बन्यो।

प्रतियोगितामा नेपाली प्रतियोगी मनिता देवकोटा ‘उत्कृष्ट १०’ मा पुगेर बाहिरिइन्। एसिया तथा अफ्रिका क्षेत्रका उत्कृष्ट पाँच प्रतिस्पर्धीमा परे पनि उनी उत्कृष्ट १० बाट बाहिरिएकी हुन्।

प्रतियोगितामा अमेरिका, युरोप र एसिया प्यासिफिक तथा अफ्रिका गरी तीन महादेशका उत्कृष्ट ५ सुन्दरी छनौंट गरी १५ जना र ५ जना ‘वाइल्ड कार्ड’मार्फत् गरी उत्कृष्ट २० छानिएका थिए। मनिता एसिया प्यासिफिक तथा अफ्रिकाबाट तेस्रो नम्बरमा थिइन्।

कांग्रेस कहिलेसम्म बुढाहरुको कब्जामा ?

प्रमुख प्रतिपक्षी नेपाली कांग्रेसको महासमिति बैठक शनिवारदेखि काठमाडौंमा चलिरहेको छ । केन्द्र र प्रदेशको चुनाव यता पहिलोपटक बसेको बैठकलाई निकै महत्त्वका साथ हेरिएको छ । बैठकमा पार्टी पदाधिकारीले पेश गरेको राजनीतिक तथा आर्थिक प्रतिवेदनमाथि महासमिति सदस्यले बोल्ने क्रम जारी छ । यस बाहेक बैठकमा गत वर्षको चुनावमा पार्टीको हार, सभापतिको अधिकारदेखि पार्टी विधान परिवर्तन सम्मका एजेन्डामा छलफल भैरहेको बैठकमा सहभागी नेताहरू बताउँछन् ।
यस बैठकसंगै अब पार्टी नेतृत्व कसको हातमा जाला भन्ने प्रष्ट हुँदै जानेछ ।  चुनावमा पार्टीले भोग्नुपरेको लज्जास्पद हार र प्रतिपक्षी दलको नेताको रूपमा कमजोर प्रस्तुतिका कारण पार्टीभित्र सभापति शेरबहादुर देउवाको विकल्प खोजिनुपर्नेमा धेरैको एकमत छ । केहीले त देउवाले अहिले नै राजीनामा दिनुपर्ने तर्क समेत गरिरहेका छन् ।
पार्टीमा युवा नेताहरू १४ औं महाधिवेशनबाट पुराना नेतालाई नेतृत्वबाट हटाएर नयाँ पुस्ता ल्याउने अभियानमा छन् । के नेपालको सबैभन्दा पुरानो पार्टीको नेतृत्व साँच्चै युवा पुस्तामा जाला वा नेतृत्वमा बुढाहरुकै दबदबा कायम रहला ? अरु भिडियो रिपोर्टमा ।

सानो सपना होइन, ठुलै सपना देखाउनुपर्छ

‘आश दिनको लागि सपना देखाउनुपर्छ, सानो सपना होइन, ठुलै सपना देखाउनुपर्छ ‘ – प्रधानमन्त्री ओलीका मुख्य सल्लाहकार विष्णु रिमाल।

आशिका तमाङ्ग उर्फ खसिनी। चम्चाले खानुस।ढल्न थाले बुद्धिजीवी। कुखुरा चोर।रियालिटी शोमा भोट आतंक

कमजोरी देखिए संसदमा राखेर मेरो बर्दी खोलिदिए हुन्छ:आइजीपी खनाल

प्रहरी महानिरीक्षक सर्वेन्द्र खनालले बालिका निर्मला पन्तको बलात्कारपछि हत्याको घटनाको अनुसन्धान साँघुरिँदै गएको संसदीय समितिलाई जानकारी दिएका छन्।

राष्ट्रियसभा, दिगो विकास तथा सुशासन समितिको आजको बैठकमा उनले अनुसन्धानलाई साँघुरो बनाउँदै लगिएको तर निष्कर्ष कहिले आउने भनेर समय तोक्न नसकिने बताए।

महानिरीक्षक खनालले भने, “हाम्रो सामथ्र्यले सक्ने काम गरिरहेका छौँ, अनुसन्धानलाई प्रभावित पार्ने काम नभइदिएको भए सहज हुन्थ्यो तर यो घटनामा कसैको दबाब छैन र कसैको दबाबले अनुसन्धान प्रभावित हुँदैन, प्रमुखका रुपमा कुनै कमजोरी देखिए संसद्मा राखेर मेरो बर्दी खोलिदिए हुन्छ।”

कञ्चनपुरकी बालिका पन्तको गत साउन १० गते बलात्कारपछि हत्या भएको घटनाका दोषी पत्ता नलागेको विषयमा आवाज उठिरहेको सन्दर्भमा समितिले आज प्रहरी प्रमुखलाई आमन्त्रण गरेको हो।

 

Wardrobe: The Shine Collection Bagbazar, Kathmandu 9869050396

 

मैले जवाफ दिए बुद्धिजीवी थला पर्छन् : प्रधानमन्त्री

प्रधानमन्त्री केपी शर्मा ओलीले आफूले बुद्धिजीवीहरूलाई जवाफ दिन थाले उनीहरू थला पर्ने दाबी गरेका छन्। ‘कुनै–कुनै बुद्धिजीवीका टिप्पणी अत्यन्तै असभ्य र तल्लोस्तरका देख्छु। त्यस्तालाई मैले जवाफ दिँदा थला पर्ने सम्भावाना हुन्छ,’ बुधबार साँझ जनतासँग प्रधानमन्त्री कार्यक्रममा प्रस्तोताले सोधेको प्रश्नको जवाफ दिँदै प्रधानमन्त्रीले ओलीले भने, ‘म उहाँहरूलाई थला पार्न चाहन्न, उहाँहरूलाई म जान्छु।’

प्रधानमन्त्री ओलीले आफूले त्यस्ता बुद्धिजीवीले वादविवाद गर्न अथवा सत्यहरूका सम्बन्धमा बहस गर्न इच्छा गर्नुभएको होकि होइन भन्ने बारेमा आफूले सोध्न पनि चाहेको बताएका छन्। उनले भने, ‘उहाँहरू असभ्य ढंगले पनि बोल्नु पनि भएको छ। त्यसमा अलिकति असलियत बाहिर आउँदा के हुन्छ ? अलिक विचार गरे हुने हो।’

 

 

फ्रान्समा तलब वृद्धि र कर छुटको घोषणा

फ्रान्सेली सरकारले यहाँका राष्ट्रपतिले गरेकाे सम्बोधनले हाल देशमा ‘पहेँला टिसर्टधारी’ हरुको आन्दोलनका क्रममा राखिएका मागहरुको पनि सम्बोधन हुने भन्दै यस विषयमा यहाँको संसदलाई विश्वस्त पार्ने प्रयास गर्ने जनाइएको छ। मंगलबार बस्ने यहाँको संसदको बैठकलाई फ्रान्सेली सरकारले यस विषयमा आश्वस्त पार्ने प्रयास गर्ने समाचारमा जनाइएको छ।

पहेँला टिसर्टधारीहरुले आन्दोलनकै माध्यमबाट सरकारलाई दबाब दिने प्रयास गरिरहेका बताइएको छ। सोमबार फ्रान्सेली राष्ट्रपति इम्यानुएल म्याक्रोले राष्ट्रका नाममा सम्बोधन गरेका थिए। उनले सो सम्बोधनका क्रममा हाल फ्रान्समा जारी रहेको आन्दोलनलाई मत्थर पार्ने प्रयास गरेकाे बताएका थिए।

सो सम्बोधनपछि सरकारले मंगलबार संसदलाई आश्वस्त पार्ने प्रयाय पनि गर्न लागेको जनाइएको छ। सो घोषणामा हाल आन्दोलनमा जारी राखिएका मागहरुलाई राष्ट्रवपतिले सम्बोधन गरेकाे बताइएको छ।

 

भ्रष्टाचारीका पक्षमा पेसागत संगठन

सिक्टा सिँचाइ आयोजनामा भ्रष्टाचार गर्ने निर्माण व्यवसायी, परामर्शदाता र प्राविधिक कर्मचारीविरुद्ध अख्तियार दुरुपयोग अनुसन्धान आयोगले विशेष अदालतमा मुद्दा दर्ता गरेपछि पेसागत संगठन त्यस्ता अभियुक्तलाई बचाउने प्रयासमा लागेका छन्।

भ्रष्टाचारको अभियोग लागेका व्यक्तिहरूलाई बचाउन एक्लो आवाज पर्याप्त नभएपछि पेसागत संगठन प्रयोग गरी जोगाउने कसरत थालिएको हो। संवैधानिक निकाय आयोगले लामो अनुसन्धानपछि दर्ता गरेको उक्त भ्रष्टाचार मुद्दाविरुद्ध सोमबार निर्माण व्यवसायी महासंघ, सोसाइटी अफ कन्सल्टिङ आर्किटेक्चरल एन्ड इन्जिनियरिङ फर्मस र नेपाल इन्जिनियर्स एसोसिएसनले विज्ञप्ति जारी गरी असन्तुष्टि जनाएका हुन्। महासंघले त आफूलाई देशभरको १५ हजारभन्दा बढी निर्माण व्यवसायीहरूको छाता संगठनको रूपमा चिनाउँदै ‘व्यवसायीहरूप्रति भएको अन्याय, अत्याचारमा ध्यान दिनु कर्तव्य र दायित्व भएको’ जनाएको छ।

 

 स्क्रिनमा बढी समय बिताउने बच्चाको मस्तिष्कमा नकारात्मक प्रभाव

अनुसन्धानकर्ताहरुले प्रारम्भिक तथ्यांकहरुको विश्लेषणबाट मोबाइलजस्ता स्मार्ट उपकरणको बढी प्रयोग गर्ने तथा भिडियो खेलमा बढी समय बिताउने बालबच्चाको मस्तिष्कमा “भिन्न संरचना” भेटिएको बताएका छन्। आधुनिक यस्ता उपकरणबाट बाल मस्तिष्कमा पर्ने प्रभावका बारेमा हाल संयुक्तराज्य अमेरिकामा गहन अध्ययन भइरहेको छ।

राष्ट्रिय स्वास्थ्य इन्स्टिच्यूट (एनआईएच) को प्रारम्भिक अध्ययनमा दिनमा सात घण्टाभन्दा बढी समय मोबाइल चलाउने र भिडियो खेल खेल्ने नौ र दश वर्ष उमेरका बालबच्चाको मस्तिष्कको बाहिरी आवरण (कोर्टेक्स) चाँडै पातलिने सङ्केत पाइएको छ। कोर्टेक्स भन्नाले बाह्य जानकारी प्रशोधन गर्ने मस्तिष्कको सबैभन्दा बाहिरी पत्र हो, र यस पत्र हुँदै सूचना एवं जानकारी मस्तिष्कको भित्री तहमा पुग्छन्।

 

एसिया प्यासिफिकजस्ता सम्मेलन भइरहनुपर्छः पराराष्ट्रमन्त्री ज्ञवाली

परराष्ट्रमन्त्री  प्रदीप ज्ञवालीले काठमाडौंमा हालै सम्पन्न एसिया प्यासिफिक सम्मेलनले नेपाललाई विश्वमै चिनाएको टिप्पणी गरेका छन्। नेपालको परिचयलाई विश्वमा विस्तार गर्न यस्ता सम्मेलन प्रभावकारी हुने भन्दै यस्ता सम्मेलन भइरहनुपर्ने जिकिर गरेका हुन्।

परराष्ट्र मन्त्रालयमा आयोजित पत्रकार सम्मेलनमा ज्ञवालीले भने,‘ एसिया प्यासिफिक सम्मेलनले नेपालको पहिचान विश्वमा बढाएको छ, वास्तवमा यस्ता कार्यक्रम भइरहनु पर्छ।’ सम्मेलनमा उनले मानव तस्करीको अभियोग लागेकी अष्ट्रेलियाका लागि नेपाली राजदूत लक्की शेर्पाबारे अनुसन्धान जारी रहेको जानकारी गराएका छन्। शेर्पालाई हटाउने निर्णय भइनसकेको उनले बताए।

नेपालले थप पाँच देशका लागि राजदूत सिफारिस गर्ने प्रक्रिया पनि जारी रहेको भनाई उनको थियो। ज्ञवालीले अमेरिका र चीनबीचको व्यापार द्वन्द्वले नेपाल चिन्तित रहेकोसमेत बताएका थिए।

 

मिडियालार्इ अंकुश लगाउँदै प्रदेश सरकार

प्रदेश ३ सरकारले सञ्चारमाध्यमको दर्ता खारेज गर्ने र पत्रकार तथा सञ्चालकलाई जेल हाल्न सक्ने प्रावधानसहितको कानुन लागू गर्ने भएको छ। प्रदेशसभाबाट पारित प्रदेश सञ्चार व्यवस्थापनसम्बन्धी विधेयकअनुसार इजाजतपत्र नलिई कार्यक्रम उत्पादन, वितरण तथा डाउनलिंक गरेमा त्यस्तो व्यक्तिलाई जरिवाना र एक वर्षसम्म कैद वा दुवै हुनेछ।

दफा ४६ को उपदफा १ मा कसैले इजाजतपत्र नलिई कार्यक्रम उत्पादन, वितरण तथा डाउनलिंक गरेमा त्यस्तो व्यक्तिलाई पहिलोपटक सचेत गराउने र पुनः सोही प्रकृतिको कसुर दोहो-याएमा इजाजतपत्र दस्तुरबराबर रकम असुल उपर गरी सो बराबरको रकम जरिवाना वा एक वर्षसम्म कैद वा दुवै हुने उल्लेख छ।

विधेयकको दफा ४ मा ‘कसैले पनि ऐनबमोजिम इजाजतपत्र नलिई कुनै पनि कार्यक्रम प्रसारण गर्नु हुँदैन’ भन्ने उल्लेख छ।